Rektori Bajraktari fton të rinjt që të bëhen pjesë e UShAF

Pa Komente

Rektori i Universitetit të Shkencave të Aplikuara në Ferizaj (UShAF), Prof. Dr. Agron Bajraktari, pas shpalljes së konkursit për pranimin e studentëve për vitin akademik 2018/2019, fton të gjithë të rinjt e Ferizajt, Kosovës dhe më gjerë që të aplikojnë për t’u bërë pjesë e UShAF.

Këtë ftesë për aplikim, rektori Bajraktari e mbështetë në faktin se ky Universitet ofron kushte të mira për studime, salla, laboratore dhe ambiente tjera të përshtatshme për shkenca të aplikuara. Po ashtu, Universiteti ofron dhjetëra mundësi për punë praktike të studentëve në biznese e kompani të ndryshme të Kosovës, në mënyrë që ata të bëhen të zotët e tregut të punës. Ndërsa, UShAF, ndër të tjera ua mundëson studentëve të vet që të shfrytëzojnë mobilitete në shumë universitete të njohura të Evropës.

Rektori Bajraktari zotohet se, sikur edhe deri më tani, stafi akademik dhe administrativ, do të jenë gjithmonë në shërbim të studentëve, në mënyrë që ata të ngriten profesionalisht dhe të kenë mundësi të panumërta për karrierën e tyre.

 

 

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.