UShAF lidh Marrëveshje Bashkëpunimi me Ndërmarrjen për veprimtari Hoteliere “Natural”

Pas shumë Marrëveshjeve të bëra me institucione dhe biznese vendore dhe ndërkombëtare, sot rektori i Universitetit të Shkencave të Aplikuara në Ferizaj, Prof. Dr. Agron Bajraktari, ka nënshkruar Marrëveshje Bashkëpunimi me Ndërmarrjen për veprimtari hoteliere “Natural” në Ferizaj.

Rektori Bajraktari u shpreh i kënaqur që UShAF po vazhdon të krijoj marrëveshje të reja dhe se këto marrëveshje janë të dobishme për studentët e gjithashtu edhe për kompanitë. Po ashtu, ai theksoi se Universiteti ka nevojë për ndihmën e bizneseve për zhvillimin e tij. Sipas tij edhe bizneset përfitojnë sepse Universiteti ka profesorë të pregatitur mirë dhe studentë të cilët do t’iu ndihmojnë në zhvillimin e veprimtarisë së tyre.

Ndërsa, menaxheri gjeneral i Ndërmarrjes “Natural”, z. Mexhid Bajrami, po ashtu u shpreh i kënaqur që edhe kjo ndërmarrje do të ketë mundësinë të punoj me studentët e UShAF dhe të kontribuoj në aftësimin profesional të tyre.

Kjo Marrëveshje ka për qëllim realizimin e pjesës praktike të studentëve të Universitetit në këtë Ndërmarrje. Po ashtu, Marrëveshja iu mundëson studentëve zhvillimin e temave të diplomës, duke krijuar mundësinë që krahas udhëheqjes teorike/shkencore, të kenë edhe udhëheqjen e pjesës praktike të  diplomës, ndërsa Ndërmarrja do të përfitoj nga angazhimi i stafit të UShAf në zgjidhjen e problemeve praktike/shkencore.

This post is also available in: English