U mbajt Sesion Informues para studentëve të UShAF, për punësim sezonal në Antalya të Turqisë

Në Universitetin e Shkencave të Aplikuara në Ferizaj (UShAF), u mbajt sesion informues për punësim sezonal të studentëve në Antalya të Turqisë, nga menaxheri gjeneral i kompanisë “AYT Career”, z. Hakan Bahadir Sert, drejtoresha e agjencionit kosovarë “Alba Berisha Consulting”, znj. Albana Berisha dhe përfaqësuesi i hotelit “Marti Myra Hotel”, z. Varol Kursuadoglu.

Fillimisht Përfaqësuesit e agjencioneve dhe hotelit turk u pritën nga rektori, Prof. Dr. Agron Bajraktari, ku u bisedua rreth punësimit sezonal të studentëve dhe kushtet të cilat do të punojnë ata.

Rektori Bajraktari foli para studentëve për rëndësinë e kësaj mundësie që iu ka krijuar atyre. Ai po ashtu, i njoftoi ata që Marrëveshja me Agjencionet vlenë për të gjithë studentët nga të gjitha fakultetet e UShAF dhe se ata do të kryejnë punën praktike në pozitën më të përafërt të programit të studimeve të  tyre.

Njëherit, rektori u tha studentëve që do të jenë përfituesit më të mëdhenjë të kësaj Marrëveshje, sepse përveç që po u jepet mudësia që të kryejn punën praktike, atyre po u mundësohet edhe të njihen me kulturën dhe ambientet më të mira në Turqi.

Ndërsa, përfaqësuesi i Hotelit “Marti Myra Hotel”, z. Kursuadoglu, falënderoi rektorin Bajraktari për pritjen dhe tha para studentëve që ndjehet i entuziazmuar që gjindet në mesin e tyre dhe shumë i kënaqur që një pjesë të tyre do ta ketë në mesin e stafit të tij. Po ashtu, ai u foli studentëve për mundësinë e aftësimit profesional në hotelin që e përfaqëson ai, ku do të kenë mundësi edhe të njoftohen me kutura nga më të ndryshme të botës, sepse sipas tij këtë hotel e vizitojnë mbi 170 mij mysafir gjatë sezonit.

Përfaqësuesit e kompanive, z. Hakan Bahadir Sert dhe znj. Albana Berisha,  u spjeguan studentëve për mënyrën e aplikimit, përfitimet, kushtet, etj.

This post is also available in: English