Rektori Bajraktari priti në takim Parlamentin Studentor të UShAF

Pa Komente

Rektori i Universitit të Shkencave të Aplikuara në Ferizaj (UShAF), Prof. Dr. Agron Bajraktari, priti në takim përfaqësuesit e Parlamentit Studentor të UShAF, të prirë nga kryetarja e Parlamentit, Armelinda Firza.

Rektori Bajraktari falënderoi përfaqësuesit e Parlamentit Studentor për punën e bërë deri më tani, për sukseset e përbashkëta në interes të studentëve dhe tha se studentët e UShAF për nga shkathtësitë dhe njohuritë janë të barabartë me ata të vendeve të zhvilluara.

“Jam krenar me studentët tanë, me punën dhe arritjet e tyre. Do të jemi të bashkuar gjithmonë që të bëjmë më të mirën për zhvillimin e institucionit tonë. Unë jam në shërbimin tuaj sado dhe kurdo që të keni nevojë”, tha rektori Bajraktari dhe theksoi se së bashku me stafin e tij do të mirëpresin sygjerimet dhe idetë e studentëve.

“Bashkëpunimi me Ju, studentë të dashur, do të na qojë përpara, sepse ju e njihni më së miri botën e gjeneratës tuaj. Së bashku do të bëjmë shumë aktivitete, do të zgjerojmë kohën për praktikë edhe më shumë, vetëm që studentët të fitojnë zgjuarësinë që u nevojitet për tregun e punës. Më rritet zemra kur ndëgjoj që institucionet që na kontrollojnë kanë mendim pozitiv për ne. Shpresoj që së bashku do të përforcojmë Universitetin tonë”, theksoi Rektori.

Përfaqësuesit e Parlamentit Studentor, falënderuan rektorin dhe stafin e UShAF që vazhdimisht gjetën përkrahje nga ana tyre dhe premtuan se bashkëpunimi tanimë do të jetë më i fuqishëm.

This post is also available in: English

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.