Create your own sidebar via Visual Composer with drag and drop tech, for almost all pages!
Profesorë nga Universiteti i Gazit po marrin pjesë në punëtorinë “Bazat e Dizajnit dhe Dizajni i Hapsirave Komerciale” në UShAF
Pa Komente
Profesorët nga Universiteti i Gazit në Ankara Prof. Asoc. Dr. Cevdet Sogutlu dhe Prof. Asoc. Dr. Hamza Cinar, të cilët po qëndrojnë në Universitetin e Shkencave të Aplikuara në Ferizaj (UShAF), kanë mbajtur ligjërata para studentëve dhe mësimdhënësve të këtij universiteti, të cilët po marrin pjesë në punëtorinë “Bazat e Dizajnit dhe Dizajni i Hapsirave Komerciale”.
Në bazë të marrëveshjes me Universitetin Gazi të Ankarasë (Turqi), në UShAF po qëndrojnë dy profesorë nga ky universitet, Prof. Asoc. Dr. Cevdet Sogutlu dhe Prof. Asoc. Dr. Hamza Cinar, të cilët po marrin pjesë edhe në punëtorinë “Bazat e Dizajnit dhe Dizajni i Hapsirave Komerciale”, e cila ka filluar sot dhe ka për qëllim të sjellë më të rejat në fushën e dizajnit të interierit, arkitekturës dhe teknologjisë së drurit.
Profesorët nga Universiteti Gazi, të cilët do të qëndrojnë gjatë tërë javës në UShAF (aq sa do të zgjasë edhe punëtoria), po japin përvojat më të mira, e të cilat do t’i shërbejnë studentëve dhe mësimdhënësve të Universitetit për të rritur cilësinë në këtë fushë.
Gjatë kësaj punëtorie, do të mbahen edhe ligjërata rreth bazave të dizajnit dhe dizajnit të hapsirave komerciale, nga Prof. Asc. Dr. Agron Bajraktari – u.d. rektor i UShAF dhe profesorët nga Universiteti i Gazit, Prof. Asoc. Dr. Cevdet Sogutlu dhe Prof. Asoc. Dr. Hamza Cinar.
Në fund të punëtorisë, studentët do të paraqesin punën e tyre ekipore.
Universiteti i Shkencave të Aplikuara në Ferizaj, edhe pse ka pak kohë që është themeluar, ka nënshkruar 17 marrëveshje me institucione dhe biznesë vendore në mënyrë që studentët e UShAF të kenë mundësi të kryejnë punë praktike. Ndërsa, Janë nënshkruar edhe tri marrëveshje ndërkombëtare: Marrëveshja me Universitetin Gazi në Ankara, si dhe me dy universitete të Lituanisë, të cilat kanë për qëllim ndërkombëtarizimin e Universitetit, shkëmbimin e studentëve dhe mësimdhënësve dhe bashkëpunim në projekte ndëruniversitare.
