Njoftim

Pa Komente

Zyra Erasmus+ në Kosovë, organizon Ditën Informuese për aplikime në kuadër të programit Erasmus+ për Institucionet e Arsimit të Lartë (IAL), e cila do të mbahet më 26 Nëntor 2018, duke filluar nga ora 9:30 për IAL-të, si dhe nga ora 14:15 sesioni për studentët.

Në këtë Ditë Informuese, Zyra Erasmus+ në Kosovë, në bashkëpunim me zyrtarë nga zyra e BE-së në Kosovë, do të prezantojnë thirrjen e re për aplikime në kuadër të programit Erasmus+.

Erasmus+ është programi më i ri arsimor i Bashkimit Evropian që synon modernizimin e sistemeve arsimore dhe përshtatjen e tyre me nevojat e tregut të punës dhe të një bote në ndryshim të vazhdueshëm. Erasmus+ bashkon në një ombrellë të vetme shtatë programet e mëparshme arsimore të BE-së, duke lehtësuar orientimin e përfituesëve dhe rregullat e pjesëmarrjes.

Dita informuese do të mbahet në Amfiteatrin e ndërtesës së Bibliotekës së Universitetit të Prishtinës “Hasan Prishtina”.

Pjesëmarrja në këto programe do të hapë mundësi të reja për Institucionet e Arsimit të Lartë në Kosovë.

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.