Ligjëratë nga Drejtoresha për Ekonomi dhe Zhvillim nga komuna e Deçanit

Drejtoresha për Ekonomi dhe Zhvillim në komunën e Deçanit, znj. Fitore Shala Hulaj, mbajti një ligjëratë para studentëve të Menaxhmentit të Turizmit dhe Hotelerisë të Universitetit të Shkencave të Aplikuara në Ferizaj (UShAF), me temë “Turizmi Natyror dhe Kulturor në Komunën e Deçanit”.

Drejtoresha falënderoi UShAF për mundësinë e dhënë që të vijë dhe të shpalosë para studentëve të këtij Universiteti vlerat e turizmit, të cilat i posedon komuna e Deçanit.

Ligjëratën e filloi me disa definicione të termave në fushën e turizmit si: shenjëzimet turistike, produktet turistike, desinacionet turistike dhe turizmin në përgjithësi.

Nga turizmi natyror si vlerë dhe veçanti në komunën e Deçanit, znj. Hulaj veçoi bjeshkët të cilat kjo komunë i posedon, po ashtu edhe zhvillimin në masë të madhe të bujqësisë dhe blegtorisë. Ndërsa, nga turizmi kulturor, studentëve u foli për mullinjtë e vjetër nga guri dhe kullat e kësaj komune, rëndësinë dhe organizimin e tyre të mbrendshëm. Veçanti e kësaj komune ishin edhe stanet nga druri, të cilët banorët i kanë ndërtuar nëpër bjeshkë të ndryshme.

Studentët ishin mjaftë të interesuar për të dëgjuar këtë ligjëratë dhe shprehën interesimin e tyre që të shkojnë dhe të i shohin nga afër disa nga monumentet.