Ftesa e rektorit Bajraktari për të rinjtë që të aplikojnë për studime në USHAF

Të dashur të rinj të Kosovës,
Të dashur të rinj të të gjitha vendeve ku jetojnë shqiptarët e më gjerë

Universiteti i Shkencave të Aplikuara në Ferizaj është universitet i ri, por është i vetmi që ju ofron me tregun e punës. Ne ofrojmë atë që po e kërkoni Ju, familjet tuaja dhe të gjithë ne.

Me programet që ofrojmë, Ju do të keni mundësi, që për një kohë të shkurtër, të bëheni të zotët e vetes, të familjeve tuaja, por mbi të gjitha, do të jeni të zotët e tregut të Kosovës dhe si rezultat, të zhvillimit të vendit tonë. Në këtë mënyrë, do të jeni patriotët e shekullit 21, sepse sot, patriotë janë ata që e zhvillojnë dhe e fuqizojnë Republikën e Kosovës!

Me programet tona, Ju do të jeni edhe më afër tregun evropian e më gjerë!

Ne ofrojmë:

• Programe atraktive dhe të kërkuara në tregun e punës;
• Mësimdhënës të përgatitur dhe të përkushtuar;
• Ambiente moderne për studimet tuaja;
• Punë praktike në bizneset dhe institucionet adekuate për përgatitjen tuaj profesionale;
• Mobilitete me universitete të njohura në Evropë e më gjerë;
• Pjesëmarrje në ekspozita dhe ngjarje të rëndësishme për profesionin, ekspozita me punimet tuaja, argëtim!

Te Universiteti ynë, Ju do të jeni faktorë!

Ne do të jemi në shërbimin Tuaj!

Ju presim me kënaqësinë më të madhe, sepse Ju jeni e ardhmja e Universitetit dhe e Kosovës, si  dhe ambasadorët e UShAF në botë!

Suksese!

Me respekt,
Prof. Dr. Agron Bajraktari
Rektor