USHAF u vizitua nga eksperti i Bankës Botërore, z. Hans Vossensteyn

Universitetin e Shkencave të Aplikuara në Ferizaj, sot e vizitoi Prof. Dr. J.J. Hans Vossensteyn nga Universiteti i Twente në Holandë, i cili njëkohësisht është edhe Konsulent në Bankën Botërore.

Vossensteyn u prit nga menaxhmenti i lartë i UShAF, ku u dikutua për mundësinë e bashkëpunimit në mes dy palëve për të mbështetur Universitetin.

Hans Vossensteyn u informua nga prorektorët e UShAF, z. Afrim Loku, z. Bujar Pira dhe z. Sulejman Meta, rreth zhvillimit të UShAF dhe sfidave nëpër të cilat po kalon si Universiteti më i ri publik në vend dhe i vetmi i profilizuar.

Prorektorët folën edhe për numrin e studentëve, numrin e stafit, fakultetet dhe programet, me të cilat funksionon UShAF-i, e po ashtu edhe për shumë çështje të tjera me interes për Universitetin, të cilat kanë përfunduar si procese apo aktivitete me rëndësi, ose që janë planifikuar të fillohen. Ata e falënderuan z. Vossensteyn për vizitën dhe për gatishmërinë për  bashkëpunim që po i ofrohet Universitetit për përmbushjen misionit të tij.

Ndërsa, z. Vossensteyn u shpreh i kënaqur nga ky takim dhe pritja që iu bë nga menaxhmenti i UShAF.

Të dyja palët u dakorduan që të bashkëpunojnë për interes të Universitetit dhe u zotuan për gjetjen e formave të bashkëpunimit me qëllim të avancimit të proceseve në të ardhmen.

This post is also available in: English