Studentët e UShAF vizituan Panairin Ndërkombëtar të Mobilerisë “Shqipëria 2018”

Pa Komente

Studentët e Arkitekturës së Interierit dhe Dizajnit të Mobileve, të udhëhequr nga profesorët e tyre, Prof. Ass. Dr. Rrahim Sejdiu dhe Prof. Ass. Dr. Muhamet Ymeri, vizituan Panairin Ndërkombëtar të Mobilerisë “Shqipëria 2018”.

Gjatë kësaj vizite, studentët patën rastin të njihen me prodhime të ndryshme të mobilerisë, aksesorë, mentesha, si dhe me pajisje të ndryshme, të cilat për momentin janë avancime më të theksuara në shkencën e Industrisë së drurit.

Ndërsa, për historikun e mobilerisë në regjion dhe Shqipëri, si dhe perspektivën e kësaj lëmie, studentët u njoftuan nga ekspertët e lëmisë së Industrisë së drurit, Prof. Asoc. Dr. Arben Bejtja dhe Dr. sc. Ramadan Topuzi.

Panairi “Shqipëria 2018”, është i 15-ti me radhë dhe është organizuar nga Albexpo Group në bashkëpunim me Shoqatën e Prodhuesve të Mobilerisë të Shqipërisë. Ky panair organizohet çdo vit dhe ka për qëllim prezantimin e prodhimeve të drurit dhe dizajnit nga kompani vendore dhe të huaja.

 

This post is also available in: English

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.