Studentët e UShAF morën pjesë në Panairin e Punës në Ferizaj

Pa Komente

Studentët e Universitetit të Shkencave të Aplikuara në Ferizaj (UShAF), të shoqëruar nga profesorët e tyre: Rrahim Sejdiu, Flamur Salihu dhe Florit Hoxha, morën pjesë në Panairin e Punës në Ferizaj.

Studentët në Panair patën një hapësirë ku dhanë informacione për të interesuarit rreth funksionimit të Universitetit, programet të cilat i posedon, si dhe çështje të tjera të cilat ishin në interes për vizitorët.

Në Panair, vizitorët patën mundësi që të informohen për mundësitë e punësimit, si dhe të aplikojnë në mbi 50 kompani të ndryshme, të cilat ofruan rreth 600 vende për punësim dhe punë praktike. Po ashtu, patën mundësi që të informohen nga organizata dhe institucione të edukimit për trajnime e aftësime profesionale.

Panairi i Punës është i treti me radhë, i cili mbahet në qytetin e Ferizajt, në objektin e shkollës fillore “Tefik Çanga”, i organizuar nga komuna e Ferizajt në bashkëpunim me Ministrinë e Punës dhe Mirëqenies Sociale (MPMS), Agjencinë e Punësimit të Republikës së Kosovës dhe Zyren Gjermane për Bashkëpunim Ndërkombëtar (GIZ).

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.