Studentët dhe stafi i UShAF vizituan vendin turistik të Strazhës së Kaçanikut

Studentët e Universitetit të Shkencave të Aplikuara në Ferizaj (UShAF), së bashku me stafin akademik, kanë organizuar sot një piknik në Strazhë të Kaçanikut.

Kjo vizitë kishte për qëllim socializimin e studentëve dhe profesorëve, si dhe krijimin e mundësive për shoqërimin dhe bashkëpunimin mes tyre, e po ashtu edhe vizita nëpër vendet me bukuri natyrore të kësaj ane, të cilat janë të përshtatshme për turizëm.

Studentët patën mundësinë të shohin vendet më të bukura të kësaj ane dhe zhvilluan aktivitete të ndryshme, ndërsa studentët e Fakultetit të Turizmit dhe Ambientit gjatë kësaj vizite kanë bërë përgatitjen e ushqimeve të ndryshme në natyrë.

Në kuadër të kësaj vizite, rektori i UShAF, Prof. Dr. Agron Bajraktari në emër të Universitetit ka ndarë një mirënjohje (falënderim) për restorantin “Sharri” në Strazhë për kontributin e dhënë në realizimin e aktivitetit praktik të studentëve të UShAF.