Rektori Bajraktari mori pjesë në Konferencën Ndërkombëtare “Plagjiatura në Evropë dhe përtej”

Rektori i Universitetit të Shkencave të Aplikuara në Ferizaj (UShAF), Prof. Dr. Agron Bajraktari mori pjesë në Konferencën e 4 – të Ndërkombëtare të arsimit të lartë “Plagjiatura në Evropë dhe përtej”, e cila u mbajt në Izmir të Turqisë.

Konferenca “Plagjiatura në Evropë dhe përtej”, e organizuar nga Canakkale Onsekiz Mart University, Mendel University in Brno,Rrjeti Evropian për Integritet Akademik dhe bashkëfinancuarnga Programi Erasmus+, synon të jetë një forum për ndarjen e praktikave dhe përvojave më të mira duke adresuar çështjet e integritetit akademik.

Në Konferencë pjesëmarrës ishin studiues nga vende të ndryshme të Botës, të cilët u paraqitën me prezantime e studime të ndryshme në lidhje me plagjiaturën dhe gjetjen e mundësive për parandalimin e kësaj dukurie.

Rektori Bajraktari në njërën nga sesionet e kësaj Konferece ishte edhe panelist në lidhje me integritetin akademik në Kosovë. Ai e cilësoi si shumë të rëndësishme pjesëmarrjen në këtëKonferencë, sepse sipas tij integriteti akademik po bëhet gjithnjëe më i rëndësishëm në arsimin e lartë, andaj diskutimi dheshkëmbimi i përvojave është shumë i rëndësishëm në këtë drejtim sepse kontribuon në zhdukjen e kësaj dukurie negative.

Po ashtu, rektori pati takime edhe me homolog të tij nga vende të ndryshme të Botës dhe studiues të fushës së plagjiaturës dhe integritetit akademik.

Pjesëmarrës të tjerë nga Kosova përveç rektorit Bajraktari, ishin edhe rektori i Universitetit të Mitrovicës “Isa Boletini”, Prof. Dr. Alush Musaj, dhe prorektorë të universiteteve publike.