Create your own sidebar via Visual Composer with drag and drop tech, for almost all pages!
Përfaqësuesi i Kompanisë OXA Group, Arianit Kastrati mbajti ligjëratë para studentëve të UShAF për menaxhimin e cilësisë
No Comments
Studentët e vitit të III-të, të Fakultetit të Arkitekturës, Dizajnit dhe Teknologjisë së Drurit, patën rastin të dëgjojnë një ligjëratë për menaxhimin e cilësisë nga z. Arianit Kastrati, menaxher në Kompaninë OXA Group.Kastrati, i cili ka mbajtur ligjërata të shpeshta me tema të ndryshme para studentëve të UShAF, kësaj radhe foli edhe për përvojat e tij në aplikimin e menaxhimit të cilësisë në Kompaninë OXA Group.
Në Kompaninë OXA Group, tani më 5 studentë të vitit të III-të të Fakultetit të Arkitekturës, Dizajnit dhe Teknologjisë së Drurit, janë duke ndjekur praktikën profesionale, si dhe disa prej atyre që kanë përfunduar studimet në UShAF, janë duke punuar suksesshëm në këtë Kompani.
Arianit Kastrati merret me dekorin e drurit dhe është menaxher i operativës dhe anëtarë i Bordit të Drejtorëve në Kompaninë “OXA Group”, e cila është njëra ndër Kompanitë më të mëdha në fushën e prodhimit të mobileve në Kosovë. Po ashtu, z. Kastrati është kryesues i Bordit të Drejtorëve në Shoqatën e Përpunuesëve të Drurit në Ferizaj.
