Create your own sidebar via Visual Composer with drag and drop tech, for almost all pages!
Përfaqësues të USAID në UShAF
No Comments
Rektori i Universitetit të Shkencave të Aplikuara (UShAF), Prof. Dr. Agron Bajraktari priti sot në takim përfaqësueset e USAID për Kosovë, znj. Flora Arifi dhe znj. Antigona Mustafa, ku u diskutua për përgatitjen e fuqisë punëtore.
Rektori Bajraktari i njoftoi për zhvillimet e UShAF, programet të cilat funksionojnë në kuadër të Universitetit, numrin e studentëve dhe kërkesat e shumëta për regjistrim, marrëveshjet vendore dhe ndërkombëtare dhe përfitimin e dyanshëm.
Po ashtu, rektori foli edhe për përkrahjen e madhe të bizneseve dhe mbështetjen nga ato në zhvillimin e plan-programeve, si dhe praktikat e studentëve të cilët po tregohen të suksesshëm nëpër kompani dhe po sjellin rezultate të mira në punësimin e tyre.
“Universiteti jonë ka nevojë të madhe për përkrahjen e bizneseve, sepse ato e dinë më së miri se qfar kërkohet në treg. Me kërkesën e tyre në kemi ndryshuar edhe programet vetëm që t’iu përshtatemi nevojave dhe profileve që kërkohen nëpër kompani. Rajoni i Ferizajt është rajoni më i pasur sa i përket industrisë dhe duke qenë se ka një numër të madh me fabrika, ka nevojë edhe për fuqi punëtore për prodhim e shitje”. Tha rektori Bajraktari.
Përfaqësueset e USAID, u ndanë të kënaqura nga ky takim duke e përgëzuar rektorin për bashkëpunimin me biznesin privat dhe theksuan se do të shikojnë për mënyrat më të mira që të ndihmojnë në këtë drejtim Universitetin.
This post is also available in: English