Në UShAF u mbajt ligjëratë kundër trafikimit të qenieve njerëzore

Në Universitetin e Shkencave të Aplikuara në Ferizaj (UShAF), me iniciativë të Organizatës ORA, u mbajtë një ligjëratë me temën “Parandalimi i trafikimit të qenieve njerëzore”, nga ekspertja ndërkombëtare e kësaj lëmie, znj. Marta Prendi Fetaj.

Fillimisht, znj. Marta dhe përfaqësuesit e Organizatës ORA, i priti në takim Rektori i UShAF, Prof. Dr. Agron Bajraktari, i cili i falënderoj për përzgjedhjen e institucionit tonë për mbajtjen e kësaj ligjërate, e cila sipas tij është shumë e nevojshme për vetëdijësimin e të rinjve kosovar për rrezikshmërinë e trafikimit. Po ashtu, Rektori tha se institucioni ynë do të jetë gjithmonë i hapur për bashkëpunim dhe organizime të tilla në të dobi të gjeneratave të reja.

Ndërsa, znj. Marta u shpreh falënderuese për përzgjedhjen e saj për realizimin e kësaj ligjërate dhe tha që ndihet e emocionuar nga mikëpritja e personaliteteve të Kosovës.

Para të rinjve të Ferizajt, znj. Marta shpalosi rrezikshmërinë e trafikimit dhe u tregoj atyre se çfarë është trafikimi, format e trafikimit, mënyrën e trafikimit të të rriturve dhe të miturve, si dhe mënyrën se si të mbrohen nga kjo dukuri negative.

Në këtë ngjarje ishin të pranishëm përfaqësues nga Kuvendi i Kosovës, z. Ilmi Reçica, Kryesuesja e Kuvendit të Ferizajt, Kristina Gashi – Bytyçi, Don Viktor Sopi nga Caritas në Kosovë, Drejtori i Drejtorisë Rajonale të Policisë së Ferizajt, z. Ekrem Beqiri, si dhe përfaqësues të organizatave të ndryshme