Ndërmarrjet hoteliere pjesë e harmonizimit të planprogrameve mësimore të Hotelerisë dhe Turizmit në Universitetin e Shkencave të Aplikuara në Ferizaj

Pa Komente

Universiteti i Shkencave të Aplikuara në Ferizaj priti sot Përfaqësuesit e Ndërmarrjeve Hoteliere të komunës së Ferizajt dhe më gjerë. Në takim u shqyrëtua planprogrami mësimor i Menaxhmentit të Turizmit dhe Hotelerisë.

Rektori i UShAF, Prof. Dr. Agron Bajraktari i njoftoi të pranishmit me historikun e shkurtër të Institucionit si dhe sfidat dhe të arriturat e tij. Gjithashtu i falënderoi për bashkëpunimin e vazhdueshëm si dhe shprehi dëshirën që bashkëpunimi të vazhdoj edhe në të ardhmën.

“Programi mësimor i Menaxhmentit të Turizmit dhe Hotelerisë është në riakreditim dhe për të qenë gjithëpërfshirës dhe i lidhur me trendet aktuale, kërkohet bashkëpunim dhe kontribut i mirëfillt, andaj kërkoj nga Ju qasje të plotë dhe bartje të përvojave të juaja në mënyrë që kuadrot e fakultetit të jenë të paisur me përvojat e juaja sa më mirë dhe përfitimi të jetë reciprok“, tha rektori Bajraktari.

Përfaqësuesit e subjekteve ekonomike u ndanë të kënaqur nga ky takim duke falënderuar rektorin Bajraktari për ftesë, organizimin dhe informim korrekt e po ashtu edhe krijimin e mundësisë së qasjes së tyre me përvoja të shumta në këtë lëmi.

Ndër të tjera u dakorduan të gjitha palët për hartimin e planprogrameve, me futjen e lëndëve të reja si dhe u zotuan për bashkëpunim të ndërsjellë e sidomos të kryerjes së punës praktike të studentëve nëpër semestra dhe gjatë pushimeve verore.

Ndërmarrjet të cilat morën pjesë në këtë takim ishin: Emerald, Parku, Orchide, Fitorja, Natyral, Sharri, etj.

 

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.